Вуж Монья школалы
19:43 13.01.2026 16+
Вуж Монья школалы
140 ар.
Мӧньяе тон, Мӧнья гуртэ,
Мусо вордӥськем шаере.
Мусо Пурга ёросэ,
Ёросамы улӥсь ужась калыке.
Данъямон но ушъямон, Пичи Пурга но ёросэ.
Ужась калыкен, визьмоесь адямиосын
Ӝутске, узырме Мынняе.
Кӧня визьмоесь кизилиос,
Кӧня дано дышетӥсьёс.
Нылпи садын визьнодасьёс,
Тау шуо соослы гуртоос.
Школаын дышетскытэк,
Визьмоесь адямиостэк,
Кытысь о потысалзы дышетӥсьёс,
Кизилиос но визьнодасьёс.
140 ар школамылы,
Тау шуисько дышетӥсьёсылы.
Мон но дышетски отын,
Анае но дышетскиз татын.
Аслам но нылпиосы
Визь- кеньыр татын люказы.
Вылӥ тодон- валан басьтӥзы,
Нунокъёсы но озьы ик мед быгатозы.
Бадӟым тау тӥледлы, дышетӥсьёс,
Школаын мылысь- кыдысь ужасьёс.
Тӥтэк милемлы ӧвӧл улон,
Ваньдылы сӥзисько тазалык но азинскон.
Таӵе кылбур гожтэм Моисеева Зинаида Ивановна Вуж Мӧнья школалэн юбилеезлы сӥзьыса. Нош кӧня меда школамы сярысь кылбуръёс,тузон сиыса, ӝажыын кыллё? Мон ӵектӥсько тӥледлы мылкыдъёстэс, сӥзёнъёстэс, ӟеч малпанъёстэс лыдӟисьёс азе поттыны.
Возьмасько Вуж Мӧнья школа сярысь гожтэм чуръёстэс.Вань ужъёсты потозы та сообщество баме.
